Citadinance onorarie dal Comun di Scluse al Cuarp Nazionâl Socors Alpin e Speleologjic dal Friûl Vignesie Julie

Sabide ai 22 di Mai dal 2010 il sindic di Scluse, Luigi Marcon, al à dât la citadinance onorarie al Cuarp li dal Centri pes Cunvignis dal comun, a son intervignûts l'Assessôr regjonâl ae Protezion civîl Riccardo Riccardi, il comandant provinciâl de Vuardie di Finance Guido Zelano, i conseîrs regjonâi Franco Baritussio e Sandro Della Mea, il Diretôr dal centri de Protezion Civîl de Regjon Guglielmo Berlasso, il responsabil dal Socors speleologjic sloven Igor Potocnik, i sindics dai comuns dulintor e numerôs volontaris. Il Sindic Marcon al à ringraziât a non de comunitât di Scluse i doi cuarps pe ativitât davuelte dal servizi de int di mont te ultins agns. A àn ritirât il ricognossiment il president de delegazion dal Cnsas dal Friûl Vignesie Julie Graziano Brocca e il comandant de Stazion dal Socors Alpin de Vuardie di Finance di Sella Nevea Giampietro Zanni. L'Assessôr Riccardi, ancje a non dal president de Regjon Renzo Tondo, al à ringraziât i partignints aes dôs organizazions, che "con tanto lavoro, dedizione, competenza ed altruismo" si dedichin a cui che in mont si cjate in dificoltât. L'Assessôr ur à podopo racomandât di jessi ancje "ambasciatori del patrimonio della nostra montagna" e di perseguî tes campagnis di educazion e formazion dai citadins che a frecuentin l'ambient de mont.
L'assessôr Riccardi al à tal ultin ricuardât che jenfri la Aministrazion regjonâl e il Cuarp Nazionâl dal Socors Alpin e Speleologjic a curt un acuart di colaborazion pai intervents di ricercje di personis pierdudis tes operazions di socors in mont e in grote.