LE ACQUE DEL CANAL DEL FERRO E DELLA VALCANALE

LE ACQUE DEL CANAL DEL FERRO E DELLA VALCANALE

geografia, storia, economia, turismo, cultura

di Mario Martinis (ed. Ribis)

Venerdì 20 dicembre 2013 presso la sala consiliare del Municipio è stato presentato il libro curato dal dott. Mario Martinis "Le acque del Canal del Ferro e della Valcanale".

 

 

LA VIERTE DAL LIBRI

 

Olmis di Antigae

"Cjale! Vorès contâti di cuant la grande storie e passave par Scluse, memorant doi mil agns su lis monts e in tes valadis di chest biel cjanton di Friûl"

La storie di Scluse a fumuts dai Celts ai dîs di vuê. Cun di plui dai autôrs e cjaparà part ae presentazion il gjornalist e telecronist sportîf Bruno Pizzul

Centri Scolastic "M. Amadori" di Scluse

Il volum al è disponibil li dal Ufici Culture dal Comun, tai oraris pal public (dal Lun. al Vin des 10.00 aes 12.00)

LA VIERTE DAL LIBRI

Vinars ai 30 di Avrîl dal 2010 aes 18.00, li dal Centri Scolastic "M. Amadori" al è stât presentât al public il libri "Missione 139" che al ricostruìs i events capitâts a Scluse ai 16 di Fevrâr dal 1945 cuant che doi bombardîrs che a tornavin di une mission su la Gjermanie a forin butâts jù de cuintriaeree dongje dal paîs.

La sugjestive cerimonie, che e à regjistrât une grande presince di public, plui di 150 personis, e je stade puartade indevant dal Vice Sindic Fuccaro Fabrizio ae presince dai autôrs Fabio Stergulc, Enzo Vinci e Fabio Orlando, chescj ultins paisans.

Particolarmentri interessant e emozionant al è stât l’intervent dal Sig. Marino Franzon di Tarvis, di 102 agns, che al à ripuartât la sô preseose testemoneance viodût che al lavorave li dal ospedâl militâr todesc di Tarvis li che a forin ricoverâts uns superstitis dal event cetant tragjic capitât a Scluse.

La iniziative e je stade seguide in timp reâl in graciis di un colegament fat di pueste su di un canâl di  WEB TV www.tradinvest.tv/live/sa, sedi a Venosa (in Basilicade), base aerie americane di dulà che a son partîts i bombardîrs viers la Gjermanie, che dai Stâts Unîts, Canada, Alasche, Ohio e New Messico, paîs di origjin dai aviatôrs superstitis, des fameis dai aviatôrs che a son muarts e di ducj i americans che a àn contribuît e partecipât ae realizazion de opare.

E jere presinte ae cerimonie ancje une rapresentance des “Frecce Tricolori” – 2° Stormo – di Rivolt cui maressiai Piras Alberto e Pesamosca Sandro, ducj e doi di Scluse.

La publicazion, cuntune grande dotazion di imagjins de epoche e di une copie, riprodusude in scjale origjinâl, de mape in dotazion ai uficiâi navigadôrs dal ecuipaç B24 dai 16 di Fevrâr dal 1945, si pues comprâ tes librariis e a Scluse li de edicule di Bellina Renato.

"Le Acque di Chiusaforte"

"Le Acque di Chiusaforte - idrologia, storia, economia, ambiente, cultura" 

La cognossince dal teritori e dai elements fondamentâi che a costituissin il patrimoni naturâl e je une esigjence cetant sintude ta chescj ultins agns, sedi di bande de popolazion che dai Ents locâi.

Dentri dal teritori podopo une grande atenzion a mertin i ambients e i ents des aghis te grande varietât de lôr tipologjie, e la lôr tutele e costituìs un probleme di grande atualitât, cuasi simpri frontât in maniere pôc adeguade.

Cheste Aministrazion comunâl e à volût publicâ il studi di un dai plui grancj esperts ricercjadôrs furlans (dot. Mario Martinis)che al trate in maniere sistematiche pal profîl storic, idrogjeologjic, ambientâl, economic e turistic il flum Fella, il torent Raccolana e lis altris aghis di cheste part dal Friûl.

Il volum al è disponibil li dal edicule di Bellina Renato di Scluse.