TITOLÂR DE POSIZION ORGANIZATIVE ECONOMICHE E FINANZIARIE: dot.re Venuti Tiziana
ISTRUTÔR AMINISTRATÎF:
Tel 0433 52030 int. 26
Fax 0433 52243
ORARI PAL PUBLIC:
- lunis des 10.00 aes 13.00 e des 14.30 aes 17.00;
- dal martars al vinars des 10.00 aes 12.00
TRIBÛTS
L’Ufici tribûts si ocupe dal control e de riscossion dai tribûts di competence comunâl che a son:
- Impueste Comunâl sui Imobii (I.C.I.)
- Tasse sui Refudums Solits Urbans (TARSU)
- Canone Occupazione del Suolo Pubblico (COSAP).
O podês cjatâ dutis lis informazions e i eventuâi modei pes variazions sul leam
Cun di plui e pues jessi domandade la password par verificâ la situazion tributarie individuâl.
- Impueste Comunâl sui Imobii (I.C.I.)
Il Proviodiment de Agjenzie dal Teritori (ex catastic) dai 18.12.2007 al à abolît l'oblic di declarazion ICI viodût che i Comuns a àn acès libar ae consultazion dai dâts.
No si fâs la declarazion ICI tal câs di compravenditis, catasticaments e sucessions, viodût che i inseriments a vegnin fats automatichementri di bande dal ufici dai tribûts.
Al reste dut câs l'oblic di comunicazion sul Model dal Ministeri di presentâ al Comun pes riduzions di impueste: cjase principâl, inabitabilitât, inagjibilitât, lavôrs in cors, areis edificabilis.
- Tasse Refudums Solits Urbans (TARSU)
Tignût cont dal acès libar aes bancjis dai dâts nol è necessari presentâ la declarazion di variazion pes compravenditis, pai catasticaments e pes sucessions, viodût che i inseriments a vegnin fats automatichementri dal ufici dai tribûts.
Al reste l'oblic di comunicazion al Comun dentri di 60 dîs de date de divignince e dut câs dentri dai 20 di Zenâr dal an dopo par dutis lis variazions che no son regjistradis: par esempli inizi e fin de locazion o se l'imobil al è gjavât fûr de imposizion de TARSU.
– Canone di occupazione per suolo pubblico (COSAP)
Ducj chei che a àn intenzion di ocupâ tal teritori dal Comun, ancje par pôc timp, parts di teren public, a àn di presentâ une domande di pueste al Comun.
▫ comunicazion – denuncie: ocupazions che no si ripetin, superficie che no va fûr i 20 m2 e che no duri plui di cinc dîs di file cuntun preavîs che non rivi mancul di cinc dîs lavoratîfs prime de date proviodude pe inizi de ocupazion. E je gjavade fûr de imposizion dal Canone
▫ domande: par dutis lis altris ocupazions, in marcje di bol.
- Servizi Idric Integrât: acuedot, depurazion e fognadure -
Dal 01.07.2007 la gjestion dal Servizi Idric Integrât e je è stade afidade ae Societât CARNIACQUE SPA. Contatâ la dite pal CONTRAT.
Ø TUMIEÇ Vie Aita 2/h Z.I. Sud - tel. 0433/40465 - fax 0433/466073
ORARI PAL PUBLIC: Lunis – Martars – Joibe
Des 09.00 aes 12.30
Ø TARVIS li dal municipi ogni doi miercus des 10.30 aes 12.30.
Ø MUEÇ li dal municipi ogni doi miercus (il stes di Tarvis) des 14.30 aes 16.30
Ø SPORTEL TELEMATIC www.carniacque.it - pueste eletroniche: info@carniacque.it
Ø N. VERT 800-222 711 dome par emergjencis
- Publicitât
Par dutis lis publicitâts e il paiament dal lôr cost e je referente le dite AIPA.
Ø SAN MICHÊL DAL TILIMENT Vie della Pace 11 int. 6
tel. 0421/520111 - fax 0421-521584
ORARI PAL PUBLIC:dal Lunis al Vinars des 8.30 aes 16.00,
sabide des 8.30 aes 13.00
Ø TUMIEÇ C/o GP Pubblicità Vie della Vittoria 3 - tel. 0433-44777
ORARI PAL PUBLIC:dal Lunis al Vinars des 9.00 aes 12.00.
ISTRUZION
La gjestion des Scuelis locâls, de Infanzie e Primarie, cu la organizazion dai servizis che lis rivuardin a domande un impegn cetant grant dal pont di viste finanziari e logjistic. Particolâr atenzion e impegn a son sigurâts pe gjestion di dut il servizi scolastic, cu lis spesis scolastichis cuasi dal dut a caric dal Comun. Difat l’unic cost che al sosten il gjenitôr al è chel de cuote pe mense scolastiche.
La Aministrazion Comunâl e sigure il traspuart scolastic dai arlêfs doprant doi scuelebus in dotazion cuntun compagnadôr scolastic che ogni an e ven bandide la gare di pueste.
Si proviôt a comprâ diretementri l'abonament scolastic (che al dure dal 01/09 al 30/06) li de dite SAF Autoservizi pai arlêfs che a son tes scuelis secondariis di prin grât di Pontebe e Mueç.
Si proviôt ae concession di contribûts ai gjenitôrs dai arlêfs che a frecuentin lis scuelis secondariis di prin grât e lis classis prime, seconde e tierce de scuele secondarie di secont grât.
Dal a.s. 2005/2006 il Comun al proviôt ae concession di chescj contribûts cun Fonts Propris (prin a jerin trasferiments de Regjon). I contribûts concedûts a rivuardin l'acuist di tescj ma ancje i sussidis scolastics di ogni arlêf (penis, cuaders, dizionaris).
Si proviôt a comprâ lis cedulis libraris e dai tescj scolastics pai arlêfs che a frecuentin la scuele primarie.
Si proviôt a gjestî i rapuarts cu la dite che e vinç la gare pe mense scolastiche. Si proviôt ancje a gjestî il rapuart cu lis scuelis, lis coghis, la dite che e à vinçût l'apalt, lis insegnantis e i gjenitôrs.
Al è proviodût che a vegnin organizâts cors di educazion alimentâr, sedi pai fruts che pai gjenitôrs. Si proviôt cun di plui che la dite che e vinç a proviodi a miorâ alc te cusine de scuele: in graciis di chestis "donazions" al è miorât ancje il servizi ufiert ai utents.
E je stade istituide di cualchi an la comission mense.
Ducj i verbâi de comission mense a son consultabii al leam
Si proviôt a concedi ae Direzion Didatiche contribûts anuâi, tant che specificât te convenzion fate, par che e compri il materiâl di cancelarie, di pulizie, di libris e sussidis didatics e contribûts extra di pueste pe realizazion dai cors scolastics: cors di nadâ pe scuole de infanzie e judo o minibasket pe scuele primarie.
Si contribuìs ae iniziative “Teatri – Scuole” cul Ent Teatrâl Regjonâl.
Si proviôt da ultin, par mieç dal econom comunâl, a comprâ: materiâl farmaceutic, materiâl di consum pe mense scolastiche (no proviodût de dite che e vinç la gare che invezit e furnìs vêrs e propris imprescj), mangjâ e bevi pes fiestis (tant che la fieste di Nadâl, Carnevâl, Fieste dai arbui), riparazion e assistence des fotocopiadoris e pc in dotazion aes scuelis.
Sul leam al è pussibil scjamâ dute la modulistiche che e covente pai servizis scolastics ufierts dal Comun.