Autocertificazion

Autocertificazion

Dai 7 di Març dal 2001 dutis lis Aministrazions Publichis e i Gjestôrs di Servizis Publics (Enel, Telecom, Aziendis di erogazion di servizis, energjie, gas, aghe, e v.i.) NO PUEDIN PLUI DOMANDÂ CERTIFICÂTS AI CITADINS e a varan l’oblic di acetâ lis autocertificazions.
Lis autocertificazions si puedin presentâ ancje ai privâts (bancjis, sigurazions, *), se chescj a son dacuardi.

Ce si intindial par "autocertificazion"?

Clamade ancje "declarazion sostitutive di certificazion", e je chê declarazion che il citadin al pues presentâ in sostituzion de certificazion normâl furnide di une aministrazion publiche in mert a stâts, cualitâts personâls e fats contignûts in listis, elencs o regjistris publics o dut câs aciertâts di sogjets titolârs di funzions publichis.

La declarazion che e  sostituìs a ducj i efiets e a titul definitîf la certificazion aministrative, e va sotscrivude dal interessât e la sô la firme no à bisugne di jessi autenticade e nol va nancje zontât un document di identitât.

Art. 46 dal DPR 445/2000

...omississ...

Articul 46 (R)
Declarazions sostitutivis di certificazions

  1. A son comprovâts cun declarazions, ancje dutun ae istance, sotscrivudis dal interessât e presentadis in sostituzion des normâls certificazions chescj stâts, cualitâts personâls e fats:
  • a) date e lûc di nassite; 
  • b) residence;
  • c) citadinance;
  • d) titolaritât dai dirits civîi e politics;
  • e) stât di no maridât/no maridade, di maridât/maridade, di vedul/vedue o stât libar;
  • f) stât di famee;
  • g) esistence in vite;
  • h) nassite dal fi, muart dal coniugât, dal assendent o dal dissendent;
  • i) iscrizion in elencs, in listis di aministrazions publichis;
  • l) apartignince a ordins professionâi;
  • m) titul di studi, esams sostignûts;
  • n) cualifiche professionâl, titul di specializazion, di abilitazion, di formazion, di inzornament e di cualificazion tecniche;
  • o) situazion dal redit o economiche ancje pe concession dai beneficis di cualsisedi fate proviodûts di leçs speciâls;
  • p) assolviment di oblics contributîfs specifics cu la indicazion de sume che e je stade paiade;
  • q) possès e numar dal codiç fiscâl, de partide IVA e di cualsisedi dât presint tal archivi de anagrafe tributarie;
  • r) stât di disocupazion;
  • s) cualitât di pensionât e categorie di pension;
  • t) cualitât di student;
  • u) cualitât di legâl rapresentant di persone fisiche o juridiche, di tutôr, di curadôr e similârs;
  • v) iscrizion li di associazions o di formazions sociâls di cualsisedi gjenar;
  • z) dutis lis situazions in mert al adempiment dai oblics militârs, comprendudis chês atestadis tal sfuei matricolâr dal stât di servizi;
  • aa) di no vê ripuartât condanis penâls e di no jessi destinatari di proviodiments in mert ae aplicazion di misuris di prevenzion, di decisions civîls e di proviodiments aministratîfs iscrivûts tal caselari judiziâl daûr de normative in vore;
  • bb) di no jessi a cognossince di jessi sometût a procediments penâi;
  • cc) condizion di stât a caric;
  • dd) ducj i dâts a che l'interessât al cognòs in maniere direte e che a son contignûts tai regjistris dal stât civîl;
  • ee) di no cjatâsi in stât di licuidazion o di faliment e di no vê presentade domande di concuardât. (R)

 ...omississ...

 

Modulistiche