Denunzie di nassite
La declarazion di nassite e pues jessi fate:
al Diretôr Sanitari dal Centri di Nassite, dentri di 3 dîs de nassite stesse;
al Ufici dal Stât Civîl dal Comun li che si à parturît, dentri di 10 dîs de nassite mostrant, par chei che no son residents, un document di ricognossiment di ducj e doi i gjenitôrs;
al ufici dal Stât Civîl dal Comun di residence dai gjenitôrs, cuant che al è diviers di chel sore menzonât, o de mari, cuant che i gjenitôrs a vedin residencis difarentis, dentri 10 dîs de nassite. In chest câs la declarazion e pues jessi fate dome di un gjenitôr mostrant un document di identitât valit.
Tal câs di:
- unions legjitimis (personis maridadis tra di lôr): al pues presentâsi cence distinzion un dai doi gjenitôrs o un lôr procuratôr speciâl (cun at di un nodâr);
- unions naturâls (personis no maridadis): al à/a àn di presentâsi il/i gjenitôr/gjenitôrs che al intint/a intindin ricognossi il frutin;
- se un frut al nas muart, o se al nas vîf ma al mûr prime che e sedi declarade la nassite, la declarazion al à di fâle dome l’uficiâl dal Stât Civîl dal Comun li che la mari e à parturît.
- La nassite di un frut fi di:
- gjenitôrs stranîrs residents tal forest e dome domiciliâts in Italie;
- talians comprendûts tal regjistri A.I.R.E. -Anagrafe dai Talians Residents tal Forest - di un cualsisedi comun
e pues jessi declarade dome ai ufics, dentri dai tiermins specificâts tai ponts 1) e 2).