Matrimoni
Cui che al intint maridâsi al à di fâ diret riferiment al Ufici dal Stât Civîl, li che al ricevarà sclariments in mert. La publicazion e va domandade al Comun li che i nuviçs (o dome un di lôr) a àn la residence.
L’at di publicazion al reste picjât al Cuadri Pretori par vot dîs seguitîfs. Il matrimoni nol pues jessi celebrât prime de cuarte dì dopo finide la publicazion e in ogni câs no plui di 180 dîs dopo. Il matrimoni civîl si celebre tal Comun li che e je stade fate domande di publicazion; al è pussibil però sposâsi intun altri Comun presentant la deleghe furnide dal Uficiâl dal Stât Civîl dal Comun li che al varès vût di jessi celebrât il matrimoni.
I nuviçs a àn di fissâ, prime di dut, l'apontament pe celebrazion dal rît e a puedin fâlu sedi cuant che a firmin lis publicazions che intun secont moment, dentri di sîs mês, ven a stâi dentri dal tiermin di validitât des stessis publicazions. Tal stes moment, a àn di segnalâ al ufici la sielte dal regjim patrimoniâl (comunion o separazion dai bens).
Te dî e te ore fissade, i nuviçs a van tal lûc li che si fasarà la cerimonie, compagnâts di doi testemonis di etât maiôr, ancje parincj. Ducj a àn di vê un document di identificazion valit. L'Uficiâl dal Stât Civîl al lei i articui dal Codiç Civîl (143, 144 e 147) e al domande ai nuviçs di esprimi la lôr volontât di maridâsi. Dopo la rispueste afermative, il Sindic - o un so delegât - al lei l'at di matrimoni e lu fâs firmâ ai nuviçs e ai testemonis.