Il teritori che dilunc de Val dal Fele e dal torent Raccolana, confinant dopo il pas di Sella Nevea cul lâc dal Predil, al ocupe cirche 100 km2 invezit la altitudin e varie dai 370 m dal font de val ai 2753 m dal Jof di Montasio.
La origjin di chestis areis e je di datâ a plui di 200 milions di agns fa e i crets che lis costituissin a son componûts principalmentri di dolomie e calcâr. Par chest dilunc la cjadene dal Mont Canin a son frecuents i fenomens di carsisim a cause des aghis e de nêf che a disfin lis pieris, creant cavitâts naturâls profondis plui di 900 metris.
Lis precipitazions a son abondantis e dilunc l'invier a deventin neveadis cetant abondantis ancje a cuotis relativementri bassis. In cheste zone al è presint, ancje se in maniere plui ridote rispiet a agns indaûr, un dai glaçârs de Europe plui bas rispiet al livel dal mâr.
La vegjetazion e je cetant svariade: faiâr, peç, dane, laris, cjarpins si svilupin inta chest ordin fin ai 1600 metris par lassâ spazi dopo aes pradariis di alte cuote, e daspò ai ambients di cret. A son presintis cetantis speciis vegjetâls di valôr e jenfri chest o son zîs, gjenzianis, orchideis, papavars, rododendris e naturalmentri la stele alpine.
Ancje la faune, cun ungulâts alpins (stambec, cjamoç, cierf, cignâi), rapaçs (acuile, çus, sparvâl e grifons di pas) e tetraonidis (gjal cedron e forcel, pernîs) e je numerose. Tai ultins agns a son stadis segnaladis lis presincis dal ors e des linçs. Popolâts ancje i flums e torents, plens di trutis, temui, salmerins alpins e gjambars di flum.
Aree faunistiche
Sabide ai 1 Mai dal 2010, te curnîs de 7^ Rassegne de Gjestion Venatorie, al è stât inaugurât il Centri faunistic lì dal compendi de ex Caserme Zucchi. La aree e ospite doi dainos, un mascjo e une femine, e une copie di cjavris nanis. La risierve di Cjace di Scluse e proviôt a mantignîju.
Risierve Naturâl des Prealps Juliis
Il teritori al è par une part comprendût tal Parc des Prealps Juliis che al à la sô sede a Resie, in Place dal Tiglio, n. 3.
La RisierveNaturâl des Prealps Juliis, istituît de L.R. n. 42 dal 30.09.1996, si cjate tai teritoris dai Comuns di Scluse, Lusevare, Mueç, Resie, Resiute e Vençon, in Provincie di Udin, par une superficie di cirche 10.000 etars in totâl.
La sede de Risierve e je a Resie.
Il teritori de Risierve tal contest di sîs Comuns, al jentri dentri dôs unitâts gjeografichis ben distintis: Lis Alps e lis Prealps Juliis.
Aes primis e parten la rive taliane dal Monte Canin (2587 m.), dome pe creste comprendude jenfri la Baba Piccola e la sele Prevala, dentri dal altiplan dal Foran dal Muss, il Bila Pec e il Col Ladris.
Aes Prealps a partegnin invezit lis cjadenis dal M. Cochiaze - M. Guarda, dal M. Plauris (1958 m.) - M. Lavara (1906 m.) e dal M. Musi (1869 m.).
A son cjadenis di monts, disponudis in paralêl te direzion est-ovest, che a vegnin une daûr di chê altre viers la Planure Furlane.
Cheste grande zone e parten cuasi dal dut al bacin idrografic dal flum Tiliment, di fûr di une minime part, dulintor di Ucee, che e parten invezi al bacin dal Lusinç.
CEMÛT RIVÂ AE RISERVE NATURÂL DES PREALPS JULIIS
Autostrade A23 Vignesie- Tarvis Jessudis: Udin nord, Glemone o Cjargne par Tarvis
Strade Statâl 13 Pontebane Udin - Tarvis
Ripâr Alpin Casere Cregnedul di Sore
Lis Casere Cregnedul di Sopra (1515 m.) si cjatin ae estremitât orientâl dal Altiplan dal Montasio, in un lûc panoramic su di un grant pascul di pît dal Mont Cregnedul (2351 m.). Di proprietât dal Comun di Scluse, a son stadis ristruturadis di pôc par creâ un Ripâr Alpin, par ufrî ospitalitât e pussibilitât di prenotâ a cui che al tache a scjalâ lis pichis, o plui semplicementri a frontâ une cjaminade in mont.
CEMÛT RIVÂ:
Il Ripâr si pues razunzi facilmentri. Di Sella Nevea si cjape la strade che e va sù fin al Altiplan dal Montasio, di chi si zire a drete dilunc une comode mulatiere (troi C.A.I. 624 (che al travierse il vecjo pascul (60 min.). O pûr si partìs de caserme de Guardie di Finance di Sella Nevea stant sul troi C.A.I. 625 che al va dilunc la trate de sciovie (45 min.).
Malghe Montasio
Malghe Montasio
Malghe Montasio e je situade sul altiplan che al à il stes non jenfri i 1500 e i 1800 metris sul nivel dal mâr tal contest splendit des Alps Juliis, contornade des maestosis cjadenis dal Canin e dal Montasio intun sît di interès comunitari e si slargje suntun teritori di 1064 etars che la mitât e je dedicade a pascul.
I Ripârs de Societât Alpine Furlane
Tra lis tantis ativitâts de Societât Alpine Furlane une impuartante e je chê de gjestion sul teritori des monts di ripârs e bivacs che a son di proprietât de associazion.
Li struturis de SAF su lis Alps Juliis a son i ripârs Gilberti-Soravito, di Brazzà, Divisione Julia.
La ativitât dai ripârs si davuelç tal timp che al va de vierte ae sierade, dant un bon acet a bogns livei e un acès sempliç cun pussibilitât di prenotâ. I bivacs, situâts in puescj strategjics a ufrissin un pont di sostegn ai alpiniscj tes areis lontanis dai ripârs. Il bivac Modonutti-Savoia, in particolâr, gjestît in acuardi cul Circul Speleologjic Idrologjic Furlan, al furnìs un supuart cetant impuartant ai speleolics che a visitin lis cavitâts carsichis dal massiç orientâl dal Canin.
I ripârs a son sogjets al Regolament Gjenerâl dal Club Alpin Talian, par uniformâ lis carateristichis, in relazion ae categorie di partignince. Cussì a risultin stabilîts a livel nazionâl lis principâls modalitâts di gjestion e i presins. Daûr dal spirit dal CAI, il ripâr nol à di jessi un albierc ma une base pes ativitâts alpinistichis e des escursions, par chest al è plui improntât a criteris di semplicitât, che si al devente, in particolâr pai ripârs a cuotis plui altis, un rispiet plui grant pal ambient.