Comun di Scluse

Autocertificazion

Dai 7 di Març dal 2001 dutis lis Aministrazions Publichis e i Gjestôrs di Servizis Publics (Enel, Telecom, Aziendis di erogazion di servizis, energjie, gas, aghe, e v.i.) NO PUEDIN PLUI Domandâ Certificâts AI CITADINS e a scugnaran acetâ lis autocertificazions. Lis autocertificazions a puedin jessi presentadis ancje ai privâts (bancjis, sigurazions, *) se chestis a son di acuardi.

Ce si intindie par "autocertificazion"?

Clamade ancje "declarazion sostitutive di certificazion" e je chê declarazion che il citadin al pues presentâ in sostituzion de normâl certificazion rilassade di une aministrazion publiche e che e rivuarde stâts, cualitâts personâls e fats contignûts in listis, elencs o regjistris publics o in ogni câs aciertâts di sogjets titolârs di funzions publichis.

La declarazion che e  sostituìs a ducj i efiets e a titul definitîf la certificazion aministrative, e va sotscrivude dal interessât e la sô la firme no à bisugne di jessi autenticade e nol va nancje zontât un document di identitât.

Art. 46 dal DPR 445/2000

...omississ...

Articul 46 (R)
Declarazions sostitutivis di certificazions

1.         A son comprovâts cun declarazions, ancje dutun ae istance, sotscrivudis dal interessât e presentadis in sostituzion des normâls certificazions di chescj stâts, cualitâts personâls e fats:

"          a) date e lûc di nassite; 

"          b) residence;

"          c) citadinance;

"          d) gjoldiment dai dirits civîi e politics;

"          e) stât di vedran, sposât, vedul o stât libar;

"          f) stât di famee;

"          g) esistence in vite;

"          h) nassite dal fi, muart dal coniuge, dal assendent o dissendent;

"          i) iscrizion in elencs, in listis tignudis di aministrazions publichis;

"          l) partignince a ordins professionâi;

"          m) titul di studi, esams sostignûts;

"          n) cualifiche professionâl, titul di specializazion, di abilitazion, di formazion, di inzornament e di cualificazion tecniche;

"          o) situazion dal redit o economiche ancje pe concession dai beneficis di cualsisedi fate proviodûts di leçs speciâls;

"          p) assolvimint di oblics contributîfs specifics cu la indicazion di ce che si à paiât;

"          q) possès e numar dal codiç fiscâl, de partide IVA e di cualsisedi dât presint tal archivi de anagrafe tributarie;

"          r) stât di disocupazion;

"          s) cualitât di pensionât e categorie di pension;

"          t) cualitât di student;

"          u) cualitât di legâl rapresentant di persone fisiche o juridiche, di tutôr, di curadôr e similârs;

"          v) iscrizion li di associazions o formazions sociâls di cualsisedi gjenar;

"          z) dutis lis situazions relativis al adempiment dai oblics militârs, comprendudis chês atestadis tal sfuei matricolâr dal stât di servizi;

"          aa) di no vê ripuartât condanis penâls e di no jessi destinatari di proviodiments che a  rivuardin la aplicazion di misuris di prevenzion, di decisions civîls e di proviodiments aministratîfs iscrivûts tal caselari judiziâl daûr de normative in vore;

"          bb) di no jessi a cognossince di jessi sometût a procediments penâi;

"          cc) cualitât di vivìnse a caric;

"          dd) ducj i dâts a che l'interessât al cognòs in maniere direte  e che a son contignûts tai regjistris dal stât civîl;

"          ee) di no cjatâsi in stât di licuidazion o di faliment e di no vê presentât domande di concuardât. (R)

...omississ...